ភ្នំពេញ ថ្មីៗនេះទីតាំងល្បែងសុីសង់បៀរចិន និងហ្គេមបាញ់ត្រី ឈ្មោះយីហោ"កាហ្វូហោ" មួយទីតាំង ស្ថិតក្នុង សង្កាត់ទន្លេបាសាក់ ខណ្ឌចំការមន រាជធានីភ្នំពេញ បើកលេង២៤ម៉ោងលេី២៤ម៉ោង យ៉ាងអនាធិបតេយ្យ អាជ្ញាធរសមត្ថកិច្ចក្នុងមូលដ្ឋាន គ្មានចាត់វិធានការ ក្នុងការទប់ស្កាត់ និងបង្រ្កាបឡើយ! ។
សូមជម្រាបថា តើសកម្មភាពល្បែងស៊ីសងទាំងនេះប្រឆាំងទៅនឹង បទបញ្ជា របស់ប្រមុខរាជរដ្ឋាភិបាលកម្ពុជាដែរទេ ? កន្លងមកនេះ សម្តេចសម្ដេចមហាបវរធិបតី ហ៊ុន ម៉ាណែត បាននែណាំបញ្ជាឱ្យអាជ្ញាធរនិងសមត្ថកិច្ចរាជធានី ខេត្ត ត្រូវត្រួតពិនិត្យ និងបង្ក្រាបបទល្មើសល្បែងស៊ីសងខុសច្បាប់គ្រប់ភេទ នៅក្នុងមូលដ្ឋានរបស់ខ្លួនឲ្យមានប្រសិទ្ធភាព។
ប៉ុន្តែដោយឡែកទីតាំងបនល្បែងសុីសងបៀរចិននិងហ្គេមបាញត្រី ខុសច្បាប់ទីតាំងខាងលេី ខាងអាជ្ញាធរ មានសមត្ថកិច្ចពាក់ព័ន្ឋនៅក្នុងមូលដ្ឋាន ហាក់ប្រឹងរក្សាស្ងៀមស្ងាត់ទៅវិញការរអនុវត្តតួនាទីបែបបញ្រ្ចាសទិសទេ? តេីគោលនយោបាយ ភូមិ ឃុំ ឲ្យមានសុវត្ថិភាព ទាំង៧ចំណុច របស់រាជរដ្ឋាភិបាល ដែលបានដាក់ចេញដោយក្រសួងមហាផ្ទៃនៅទីណាដែរ។
ថ្នាក់ដឹកនាំតែងតែលើកឡើងផងដែរថា បនល្បែងសុីសង"បៀរ ហ្គេមបាញត្រី ល្បែងខុសច្បាប់ទាំងនេះ ជាបញ្ហាធំមួយក្នុងសង្គមធ្វើឱ្យពលរដ្ឋព្រួយបារម្ភ ពីរសុខសុវត្ថិភាពមូលដ្ឋាន បង្ករបញ្ហាក្នុងសង្គមកើតមាននូវ អំពើចោរកម្ម បទល្មើសផ្សេងៗ ដូចជា លួច ឆក់ ប្លន់ និងអំពើហិង្សាក្នុងគ្រួសារ កើតចេញពីល្បែងខុសច្បាប់ទាំងនេះ ។
មជ្ឈដ្ឋានមហាជនរងចាំមេីល តេី លោកឧត្តមសេនីយ៍ឯក ជូន ណារិន្ទ អគ្គស្នងការរងនគរបាលជាតិ និងស្នងការនគរបាលរាជធានីភ្នំពេញ បញ្ចេញកណ្ដាប់ដៃដែកស្រាវជ្រាវនិងបង្ក្រាបល្បែងស៊ីសងបៀរចិន និងហ្គេមបាញ់ត្រីនេះនៅពេលណាដែរ ក៏ដើម្បីធានារក្សាបាននូវគោលនយោបាយ ភូមិ ឃុំ មានសុវត្ថិភាព ទាំង៧ចំណុច របស់រាជរដ្ឋាភិបាល ដែលបានដាក់ចេញដោយក្រសួងមហាផ្ទៃមានប្រសិទ្ធភាព សុខសុវត្ថិភាពប្រជាពលរដ្ឋនិងសង្គមជាតិ៕
0 Comment:
Post a Comment